Баргузории мулоқот бо фаъолон ва сокинони шаҳри Ҳисор
Моҳи майи соли 2025 бо ташаббуси шуъбаи митақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои водии Ҳисор дар толори маҷлисгоҳи Мақомоти иҷроияи маҳаллии ҳокимияти давлатии шаҳри Ҳисор бо ҷалби васеи ҷомеаи шаҳрвандӣ вохўрӣ баргузор карда шуд.Дар рафти чорабинии мазкур масъулини Агентӣ вобаста ба масоили муқовимат ба коррупсия, экстремизм ва терроризм, пешгирии нашъамандӣ, масъалаҳо оид ба танзими ҷашну маросим ва таълиму тарбияи кўдак, тарбияи ватандўстии шаҳрвандон, ҳифзу гиромидошти арзишҳои миллӣ, риояи фарҳанги миллӣ дар пўшидани сару либос, истифодаи самараноки нерӯи барқ суханронӣ намуданд.
Дар маҷмӯъ чорабинӣ дар руҳияи зиддикоррупсионӣ сурат гирифта, ба итминон метавон гуфт, ки натиҷаҳои он таъсири мусбии худро ҷиҳати ба вуҷуд овардани муносибати оштинопазир ба падидаи коррупсия ва баланд бардоштани маърифати ҳуқуқии иштирокчиён мерасонад.
Маркази матбуоти Агентӣ
14 майи соли 2025 бо ташаббуси раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе дар толори маҷлисгоҳи Мақомоти иҷроияи ҳокимияти давлатии ноҳияи И.Сомонии шаҳри Душанбе бо иштироки кормандони дастгоҳи раиси ноҳия, зерсохторҳои мақомот, намояндагони мақомоти марказии ҳокимияти давлатӣ дар маҳал ва муассисаҳои соҳаи тиббу маориф ҷаласаи кории Комиссияи ҷамъиятӣ оид ба пешгирии коррупсия дар назди мақомот баргузор гардид.
Бо ин ҳадаф давоми моҳи майи соли ҷорӣ аз тарафи кормандони шуъбаи минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар водии Зарафшон дар ҳудуди ноҳияи Айнӣ, ҷамоатҳои деҳоти Саразм, Чинор ва Хурми шаҳри Панҷакент мулоқотҳои васеи корӣ анҷом дода шуд, ки дар рафти он доираи васеи роҳбарият, кормандон, омӯзгорон, имомхатибон, фаъолон ва сокинони ин минтақаҳо ширкат варзиданд.
Дар идомаи Нақша-чорабиниҳои раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Бохтар бо мақсади баланд бардоштани савияи дониши ҳуқуқии донишҷуён ва омўзгорон моҳи майи соли 2025 дар толори Донишкадаи энергетикии Тоҷикистон вохӯрӣ баргузор гардид, ки дар рафти он аз тарафи масъулини мақомот ба ҳозирин мазмуну муҳтавои Қонуни Ҷумҳурии Тоҷикистон «Дар бораи муқовимат ба коррупсия» ва дигар санадҳои меърии ҳуқуқии соҳаи зиддикоррупсионӣ, хатарҳоии шомилшавии ҷавонон ба ҳизбу ҳаракатҳои экстремистию террористӣ ва дигар масъалаҳои мубрами рӯз фаҳмонида дода шуд.
13 майи соли 2025 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо кормандони Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон семинари маҷозӣ баргузор гардид.
Дар идомаи Нақша-чорабиниҳои раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар Вилояти Мухтори Кӯҳистони Бадахшон бо мақсади баланд бардоштани савияи ҳуқуқии хизматчиёни давлатӣ ва мутахассисони соҳаи маориф санаи 6 майи соли 2025 дар толори маҷлисгоҳи шуъбаи маорифи шаҳри Хоруғи Вилояти Мухтори Кӯҳистони Бадахшон дар мавзӯи: «Нақши маориф дар тарбияи зиддикоррупсионии ҷавонон» вохӯрӣ баргузор гардид, ки дар рафти он роҳбарият ва кормандони шуъба, мудирони боғчаҳо ва директорони муассисаҳои таҳсилоти миёнаи умумии ҳудуди шаҳр ширкат варзиданд.
Давоми моҳи майи соли 2025 бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар як қатор вазорату идораҳо, аз ҷумла Вазорати энергетика ва захираҳои оби Ҷумҳурии Тоҷикистон, Агентии назорати давлатии энергетикии назди Президенти Ҷумҳурии Тоҷикистон, ҷамъиятҳои саҳомии кушодаи «Барқи Тоҷик», «Шабакаҳои тақсимоти барқ» ва «Шабакаҳои интиқоли барқ», Суди Олии иқтисодии Ҷумҳурии Тоҷикистон, мақомотҳои иҷроияи ҳокимияти давлатии ноҳияи Фирдавсии шаҳри Душанбе ва ноҳияи Варзоб мулоқотҳои корӣ гузаронида шуданд, ки дар рафти он роҳбарият ва кормандони ин ниҳодҳо ширкат варзиданд.
Дар асоси нақша чорабиниҳои раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Бохтар моҳи апрели соли 2025 дар раёсати Хадамоти давлатии назорат ва танзим дар соҳаи нақлиёт дар минтақаи Бохтар ва Муассисаи ғайридавлатии таълимии «Коллеҷи тиббӣ - иноватсионии шаҳри Бохтар» ҷиҳати таблиғу ташвиқи шарҳи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» ва Нақшаи чорабиниҳои амалисозии он барои марҳилаи якум (солҳои 2021-2025), қонунҳои Ҷумҳурии Тоҷикистон «Дар бораи муқовимат ба коррупсия», «Дар бораи масъулият барои таълиму тарбияи кӯдак» ва «Дар бораи танзими ҷашну маросим дар Ҷумҳурии Тоҷикистон», хатари шомилшавии ҷавонон ба ҳизбу ҳаракатҳои экстремистию террористӣ, фурӯш ва муомилоти маводи мухаддир, пардохти ғайринақдии хизматрасониҳои давлатӣ ва истифодаи дурусти нерӯи барқ, бо иштироки васеи кормандони муассисаҳо вохурӣ баргузор карда шуда, талаботи санадҳои меъёрии дар боло қайдшуда аз ҷониби намояндаи мақомот ба саҳми иштирокчиён расонида шуд.