.
Дар идомаи Нақша-чорабиниҳои раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар Вилояти Мухтори Кӯҳистони Бадахшон бо мақсади баланд бардоштан савияи ҳуқуқии хизматчиёни давлатӣ ва мутахассисони соҳа 11 июни соли 2025 дар толори маҷлисгоҳи мақомоти иҷроияи ҳокимияти давлатии ноҳияи Ишкошими Вилояти Мухтори Кӯҳистони Бадахшон сӯҳбату вохӯрӣ дар самти муқовимат ба коррупсия баргузор гардид.
Дар чорабинии мазкур намояндаи мақомоти назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти ВМКБ, раиси ноҳияи Ишкошим муҳтарам Иматшозода Анвар Иматшо, муовинон, сардорони воҳидҳои ҳифзи ҳуқуқ ва роҳбарони ташкилоту муассисаҳои ноҳияи Ишкошим баргузор гардида, нахуст раиси нохия бо сухани ифтитоҳӣ ҷаласаро кушода, баъдан вобаста ба мавзӯъҳои баррасишаванда намояндаи раёсат баромад намуд.
Дар интиҳо иштирокдорон дар доираи санадҳои меъёрии ҳуқуқӣ, бахусус кодексҳои ҷиноятӣ ва ҳуқуқвайронкунии маъмурии Ҷумҳурии Тоҷикистон, Қонуни Ҷумҳурии Тоҷикистон «Дар бораи муқовимат ба коррупсия» ва «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», инчунин мушкилотҳои соҳа дар ин самт ибрози андеша намуда, ба саволҳои иштирокчиён посухҳои мушаххас дода шуд.
Чоп намудан
E-mail
.
Бо мақсади баланд бардоштани маърифати зиддикоррупсионии аҳолӣ аз ҷониби кормандони раёсати Агентии назорати давлатии молияӣ ва мубориза бо коррупсияи Ҷумҳурии Тоҷикистон дар вилояти Суғд бо сокинони ҷамоатҳои деҳоти Патар ва Куҳандиёри шаҳри Конибодом суҳбату вохӯрӣ баргузор гардид.
Дар рафти чорабиниҳо аз ҷониби кормандони мақомот қайд гардид, ки муқовимат ба коррупсия вазифаи дастаҷамъона буда, ҳар як шаҳрванди кишвар бояд дар коҳиши сатҳи коррупсия саҳми худро гузорад. Аз ин рӯ, ба иштирокчиёни чорабинӣ даъват ба амал оварда шуд, ки дар риояи қонунҳои Ҷумҳурии Тоҷикистон, аз ҷумла «Дар бораи танзими ҷашну маросим дар Ҷумҳурии Тоҷикистон», «Дар бораи масъулият барои таълиму тарбияи кӯдак» ва «Дар бораи тарбияи ватандӯстии шаҳрвандон» фаъолона мусоидат намоянд.
Ғайр аз ин, зимни баргузории вохӯриҳо ба иштирокчиён моҳияти тағйиру иловаҳои воридшуда ба қонунгузории кишвар дар самти истифодаи ғайриқонунии нерӯи барқ, таҳдиду хатарҳои терроризм, эктремизм ва дигар ҷиноятҳо фаҳмонида шуда, аз онҳо даъват ба амал оварда шуд, ки ҷавононро дар рӯҳияи ватандӯстӣ, ҳифзи арзишҳои миллӣ ва муносибати тоќатнопазир нисбат ба зуҳуротҳои экстремизм ва терроризм тарбия намоянд.
Маркази матбуоти Агентӣ
Чоп намудан
E-mail
.
Санаи 9 июни соли 2025 бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҳамчун раискунанда дар Шӯрои байнидавлатии муқовимат ба коррупсияи давлатҳои - аъзои Иттиҳоди Давлатҳои Мустақил ҷаласаи гурўҳи кории коршиносони Шӯро тариқи маҷозӣ ташкил ва баргузор карда шуд.
Дар ҷаласа ба ғайр аз кормандони Агентӣ инчунин масъулин аз ҳисоби мақомоти ҳифзи ҳуқуқи давлатҳои Армения, Беларус, Қазоқистон, Қирғизистон ва Федератсияи Россия ширкат варзида, дар рафти он масъалаҳо вобаста ба фаъолияти гурӯҳи корӣ, раванди иҷрои Нақшаи кории Шӯро, пешниҳоди аъзоён ҷиҳати ворид намудан ба рӯзномаи ҷаласаи навбатии Шӯро, инчунин раванди омодабинӣ ба баргузории ҷаласаи навбатии Шӯро мавриди баррасӣ қарор дода шуда, дар фарҷоми он байни иштирокчиён мубодилаи афкор сурат гирифт.
Қобили зикр аст, ки чорабинии мазкур бо мақсади ба танзим даровардани фаъолияти Шӯро дар самти муқовимат ба коррупсия ва амалӣ намудани қарорҳои дар доираи ҷаласаҳои он қабулшуда равона гардида, дар назар аст, ки натиҷаҳои он барои густариши фаъолияти он заминаи мусоид фароҳам меоварад.
Маркази матбуоти Агентӣ
Чоп намудан
E-mail
.
Моҳи июни соли ҷорӣ бо мақсади баланд бардоштани маърифати зиддикоррупсионӣ, ҳувияти миллӣ ва ҳисси ватандӯстии ҷавонон вохӯрии кормадони Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо ҳайати афсарону сарбозони Маркази таълимии «Пойтахт»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон баргузор гардид.
Дар чорабинӣ раванди дар амал татбиқ намудани «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» ва дигар барномаҳои давлатии зиддикоррупсионӣ ба ҳозирин фаҳмонида дода шуда, қайд гардид, ки коррупсия мушкилоти глобалии ҷаҳони муосир буда, он ҳамчун падидаи сиёсию иҷтимоӣ ба тамоми паҳлӯҳои ҳаёти ҷамъиятӣ, идоракунии давлатӣ, рушди босуботи иқтисодиёт, некӯаҳволии мардум, таъмини риояи ҳуқуқу озодиҳои инсон ва шаҳрванд таъсири манфӣ мерасонад.
Дар баробари ин дар доираи «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021–2025» ба сарбозон мафҳуму моҳияти ҷиноятҳои фаромиллӣ, оқибатҳои ногувори он ба сулҳу субот, ҳамдигарфаҳмии миллӣ ва рукнҳои давлатдории миллӣ фаҳмонида дода шуда, аз ҳозирин даъват гардид, ки бо ҳисси баланди ватандӯстӣ ва шукргузорӣ аз истиқлолияти Ватани хеш дар пешгирии содиршавии тамоми ҷинояту ҷинояткорӣ дар қатори мақомоти ҳифзи ҳуқуқ камари ҳиммат баста, дар ҷавоб ба ғамхориҳои ҳамешагии Ҳукумати мамлакат барои ободии Тоҷикистон саҳми арзандаи хешро гузоранд.
Чоп намудан
E-mail
.
Таҳти ин унвон 2 июни соли 2025 бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар толори калони маҷлисгоҳи Муассисаи давлатии «Маркази ҷумҳуриявии илмии саратоншиносӣ»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вохурӣ доир карда шуд.
Дар чорабинии мазкур намояндагони Агентӣ бо маърӯза баромад карда, қонунгузории Ҷумҳурии Тоҷикистон ва барномаҳои давлатии зиддикоррупсиониро мавриди баррасӣ қарор доданд. Таъкид гардид, ки коррупсия дар соҳаи тандурустӣ ба дастрасии ёрии тиббии ройгони давлатӣ монеа эҷод карда, ба саломатии аҳолӣ, пешгирии бемориҳо ва шаффофияти хизматрасонии тиббӣ халал мерасонад. Иштирокчиёнро даъват намуданд, ки тавассути баланд бардоштани маърифати ҳуқуқии зиддикоррупсионӣ аз амалҳои коррупсионӣ худдорӣ намуда, қонунҳои соҳавиро дар самти муқовимат ба коррупсия дар фаъолияташон қатъиян риоя намоянд.
Дар маҷмӯъ чорабинӣ дар фазои зиддикоррупсионӣ сурат гирифта, ба итминон метавон гуфт, ки натиҷаҳои он таъсири мусбии худро ҷиҳати дар ҷомеа ба вуҷуд овардани муносибати оштинопазир ба падидаи коррупсия ва баланд бардоштани маърифати ҳуқуқии иштирокчиён нақши муҳим мерасонад.
Чоп намудан
E-mail
.
30 майи соли ҷорӣ бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар ҳамбастагӣ бо Раёсати Созмони Милали Муттаҳид оид ба маводи мухаддир ва ҷинояткорӣ бо иштироки васеъи кормандони воҳидҳои дахлдори дастгоҳи марказӣ дар доираи Платформаи минтақавӣ оид ба татбиқи босуръати Конвенсияи СММ зидди коррупсия вебинарӣ минтақавӣ дар мавзӯи «Чораҳои пешгирикунанда III: Чораи пешгирикунанда барои бахши хусусӣ ва корхонаҳои давлатӣ. Барномазои омӯзишӣ» ташкил ва баргузор гардид.
Дар чорабинӣ ба ғайр аз масъулини мақомот ва Раёсати болозикр коршиносони мақомоти зиддикоррупсионии ҷумҳуриҳои Қазоқистон, Қирғизистон, Туркменистон ва Ӯзбекистон, инчунин намояндагони муассисаҳои илмӣ, бахши хусусӣ ва ҷомеаи шаҳрвандии кишварҳои зикргардида ширкат варзида, дар вебинар коршиносон доир ба мавзӯҳои матраҳшуда бо маърӯзаҳои пурмуҳтаво баромад намуданд.
Дар маҷмӯъ, чорабинӣ дар фазои дӯстона, илмӣ ва музокиравӣ сурат гирифта, умед аст, ки донишҳои бадастомада минбаъд дар фаъолияти хизматии кормандон баҳри паст кардани шиддати коррупсия дар кишвар ва минтақа истифода хоҳанд гардид.
Чоп намудан
E-mail
.
Санаи 28 майи соли 2025 бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар Кохи фарҳанги ноҳияи Хуросон вохӯрӣ баргузор гардид, ки дар рафти он роҳбарият ва кормандони дастгоҳи раиси ноҳияи Хуросон, роҳбарону кормандони воҳидҳои сохторӣ, кормандони соҳаи маориф, тандурустӣ, идораи замин, комиссариати ҳарбӣ, нозироти андоз, шабакаи барқ, кормандони дастгоҳи ҷамоатҳои шаҳраку деҳот ва дигар фаъолони ноҳия иштирок доштанд.
Дар чорабинии доиргардида намояндагони Агентӣ бо маърӯза баромад намуда, ҷиҳати баланд бардоштани маърифати ҳуқуқӣ-зиддикоррупсионии кормандони соҳа, пешгирӣ аз содирнамоии кирдорҳои коррупсионӣ ва оқибатҳои ба он мусоидаткунанда ва таъмини амиқи қонунгузории Ҷумҳурии Тоҷикистон дар самти муқовимат ба коррупсия суханронӣ намуда, ба иштирокчиён мазмун ва муҳтавоии қонунгузорӣ ва барномаҳои давлати дар самти муқовимат ба коррупсияро тавзеҳ доданд.
Ҳамзамон дар ҷараёни чорабинӣ намоиши расму овезаҳои таблиғотии зиддикоррупсионии хонандагони муассисаҳои таҳсилоти миёнаи умумии ноҳияи Хуросон сурат гирифт, ки маводҳои омодашуда аз тарафи иштирокчиён бо баҳои баланд арзёбӣ гардиданд.
Дар маҷмӯъ чорабинии болозикр дар фазои руҳияи зиддикоррупсионӣ сурат гирифта, ба итминон метавон гуфт, ки натиҷаҳои он таъсири мусбии худро ҷиҳати дар ҷомеа ба вуҷуд овардани муносибати оштинопазир ба падидаи коррупсия ва баланд бардоштани маърифати ҳуқуқии иштирокчиён мерасонад.
Чоп намудан
E-mail
.
Дар асоси «Нақшаи чорабиниҳои муштарак оид ба амалисозии Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Ҷумҳурии Беларус дар самти муқовимат ба коррупсия барои солҳои 2025 - 2026», ҳамзамон бо мақсади рушди ҳамкориҳои байналмилалӣ ва омӯзиши таҷрибаи кишварҳои хориҷӣ дар самти муқовимат ба коррупсия 29 майи соли 2025 аз ҷониби Агентӣ дар ҳамбастагӣ бо Прокуратураи генералии Ҷумҳурии Беларус дар мавзӯи «Мусодираи ғайриҷиноятии дороиҳои коррупсионӣ» тариқи маҷозӣ семинари омӯзишӣ ташкил ва баргузор гардид, ки дар рафти он кормандони ҳарду ниҳод ширкат варзиданд.
Зимни чорабинӣ масъулини ниҳодҳо дар мавзӯҳои «Таҷрибаи миллии Ҷумҳурии Тоҷикистон дар самти мусодираи молу мулк» ва «Танзими қонунгузории Ҷумҳурии Беларус ва амалияи татбиқи ҳуқуқ дар бораи мусодираи ғайриҷиноятии дороиҳои коррупсионӣ» баромад намуда, вобаста ба таҷрибаи худ ибрози андеша карда, дар қисмати хотимавии чорабинӣ иштирокчиён ба саволҳои худ посухҳои мушаххас гирифтанд.
Боиси қайд аст, ки баргузории чунин чорабиниҳои муштарак барои тақвияти ҳамкориҳои байналмилалӣ дар самти муқовимат ба коррупсия заминаи мусоид фароҳам оварда, дар назар аст, ки аз натиҷаи он ҷонибҳо аз таҷрибаи муосири зиддикоррупсионии тарафҳо баҳраманд мегарданд.
Чоп намудан
E-mail
