.
18-19 сентябри соли 2024 дар шаҳри Парижи Ҷумҳурии Фаронса ҷараёни иҷрои даври 5-уми мониторинги тавсияҳои Шабакаи Шабакаи зиддикоррупсионии Созмони Ҳамкории Иқтисодӣ ва Рушд дар доираи Нақшаи Истамбулии амалҳои мубориза бар зидди коррупсия барои давлатҳои Аврупои Шарқӣ ва Осиёи Марказӣ мавриди натиҷагирӣ ва баҳогузорӣ қарор дода шуд.
Дар рафти чорабинӣ гурӯҳи мониторингӣ, ки ҷараёни иҷрои тавсияҳои Шабакаро аз ҷониби Ҷумҳурии Тоҷкистон мавриди арзёбӣ қарор дода буданд, вобаста ба 9 самти баҳодиҳӣ, аз ҷумла сиёсати зиддикоррупсионӣ, бархӯрди манфиатҳо ва эъломиякунонии дороиҳо, ҳимояи хабаррасонҳо, покниҳодӣ дар тиҷорат, покниҳодӣ дар самти хариди давлатӣ, мустақилияти ҳокимияти судӣ, мустақиляти мақомоти прокуратура, ниҳодҳои махсусгардонидашудаи мубориза бо коррупсия, ҷавобгарӣ барои содир намудани ҷиноятҳои коррупсионӣ фикру ақидаҳои хешро иброз намуданд.
Тибқи барномаи кории чорабинӣ санаи 17 сентябри соли ҷорӣ ҳисоботи давлатҳои Қазоқистон, Қирғизистон ва Муғулистон баррасӣ ва шунида шуда, ҳайатҳои расмии ҷумҳуриҳои Тоҷикистон ва Ӯзбекистон ҳисоботҳои мониторингии худро санаи 18 сентябри соли 2024 ҳимоя намуданд.
Муовини якуми директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҳамчун роҳбари ҳайати расмӣ доир ба мавзуъ баромад карда, азму иродаи қотеонаи мақомоти Агентӣ ва дигар ниҳодҳои кишварро дар амалигардонии сиёсати байналмилалии зиддикоррупсионӣ ва муқовимат ба ин падидаи номатлуб баён дошта, тақвияти кӯшишҳои дастаҷамъона ва ҳамкориҳои густурдаро дар ин самт яке аз роҳҳои муассири ноил гардидан ба ин ҳадафҳои банақшагирифташуда арзёбӣ намуд.
Зимнан намояндагони Ҷумҳуриҳои Булғористон, Арманистон, Босня ва Герсоговина доир ба таҷрибаи Ҷумҳурии Тоҷикистон дар самти амалӣ намудани сиёсати давлатии зиддикоррупсионӣ, ба роҳ мондани хариди давлатии мол кор ва хизматрасонӣ, таҳкими фазои мусоиди сармоягузорӣ, инчунин, фаъолияти мақомоти бо коррупсия муборизабаранда ба ҳайати расмии кишвар саволҳои худро пешниҳод карда, доир ба он ҷавобҳои мушаххас ва қонеъкунанда гирифтанд.
Дар умум чорабинӣ дар фазои ҳусни тафоҳум ба анҷом расида, иштирокчиён изҳори боварӣ намуданд, ки таҷрибаи андухта барои густариши ҳамкориҳои судманд ҷиҳати ба роҳ мондани муқовимати дастаҷамъона ба коррупсия дар сатҳи минтақа ва ҷаҳон заминаи мусоидро фароҳам меоварад.
Маркази матбуоти Агентӣ.
Чоп намудан
E-mail
.
16-17 сентябри соли 2024 дар шаҳри Парижи Ҷумҳурии Фаронса мулоқоти ҳайати расмии Ҷумҳурии Тоҷикистон таҳти роҳбарии муовини якуми директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, намояндагони Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон, КВД “Тоҷикаэронавигатсия” ва дигар масъулини мақомоти Агентӣ бо гурӯҳи мониторингии Шабакаи зиддикоррупсионии Созмони Ҳамкории Иқтисодӣ ва Рушд (СҲИР) доир гардид.
Зимни мулоқоти корӣ атрофи саволҳои иловагии коршиносон ва дигар масоили ба тавофуқнаомада доир ба 9 самти баҳодиҳии даври 5-уми мониторинги тавсияҳои Нақшаи Истамбулии амалҳои мубориза бар зидди коррупсия барои давлатҳои Аврупои Шарқӣ ва Осиёи Марказии Шабакаи мазкур мубоҳисаи ҷонибҳо сурат гирифта, боиси хушнудист, ки дар натиҷаи мубоҳисаҳои тӯлонӣ ваҷҳҳои пешниҳоднамудаи ҳайати расмии кишвар пазируфта шуд.
Бо натиҷаи чорабинӣ як қатор саволҳои пешниҳодгардида ҳалли худро ёфтанд, ки он баҳри ба даст овардани арзёбии муносиб вобаста ба натиҷаи ниҳоии ҳисоботи кишвар оид ба даври 5-уми мониторинги тавсияҳои Шабакаи зиддикоррупсионии СҲИР таъсири мусбӣ расонид.
Чорабинӣ дар фазои ҳамдигарфаҳмӣ ва муҳити дӯстона ҷараён гирифта, барои меҳмоннавозии самимона ҳангоми ташрифи гурӯҳи мониторингӣ, ҳамкории густурда, маҳорати касбӣ, муаррифии арзандаи сиёсати зиддикоррупсионии Ҷумҳурии Тоҷикистон ба ҳайати расмии кишвар аз ҷониби Котиботи шабака ва коршиносони байналмилалӣ баҳои баланд дода шуд.
Дар фарҷом ҷонибҳо изҳори боварӣ намуданд, ки дар доираи ҳамкориҳои мутақобилаи судманд ва ҳамоҳангии муттаасил дар ояндаи наздик иҷрои тавсияҳои Шабака таъмин гардида, ба ин васила мавқеи Ҷумҳурии Тоҷикистон дар раддабандиҳои байналмилалӣ баланд бардошта мешавад.
Маркази матбуоти Агентӣ.
Чоп намудан
E-mail
.
18 сентябри соли 2024 дар шаҳри Душанбе ҷаласаи гурӯҳи кории коршиносони Шӯрои байнидавлатии муқовимат ба коррупсияи давлатҳои аъзои Иттиҳоди Давлатҳои Мустаъқил баргузор гардид.
Дар кори ҷаласа масъулини аъзоҳои Шӯро аз мақомоти прокуратураҳои генералии Федератсияи Россия, ҷумҳуриҳои Белорусу Қирғизистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Агентии Ҷумҳурии Қазоқистон оид ба муқовимат ба коррупсия ва Кумитаи иҷроияи Иттиҳоди Давлатҳои Мустаъқил иштирок намуда, дар ҷараёни он масъалаҳои мубрами ба ҷаласаи 9-уми Шӯрои алоқамандро мавриди музокира қарор доданд.
Чорабинӣ дар муҳити мубоҳисавӣ, руҳияи ҳамдигарфаҳмӣ, эътимоднокӣ ва ҳамкории созанда баргузор гардида, коршиносон лоиҳаи ниҳоии қарорҳои дар ҷаласаи 9-уми Шӯро қабулшавандаро таҳия намуданд.
Маркази матбуоти Агентӣ
Чоп намудан
E-mail
.
18 сентябри соли 2024 бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар доираи Шӯрои байнидавлатии муқовимат ба коррупсияи давлатҳои аъзои Иттиҳоди Давлатҳои Мустақил дар муассисаиҳои таҳсилоти олии кишвар, аз ҷумла Донишгоҳи миллии Тоҷикистон, Академияи идоракунии давлатии назди Президенти Ҷумҳурии Тоҷикистон, Академияи Вазорати корҳои дохилии Ҷумҳурии Тоҷикистон, Донишгоҳи славянии Руссияву Тоҷикистон ва Донишгоҳи давлатии молия ва иқтисоди Тоҷикистон аз ҷониби коршиносони Шӯро дарсҳои озод гузаронида шуд.
Дар ҷараёни машғулиятҳо коршиносон аз Кумитаи иҷроияи Иттиҳоди Давлатҳои Мустақил, прокуратураҳои генералии Федератсияи Россия, ҷумҳуриҳои Белорусу Қирғизистон ва Агентии Ҷумҳурии Қазоқистон оид ба муқовимат ба коррупсия дар мавзӯҳои мухталифи муқовимат ба коррупсия маърӯзаҳои пурмуҳтаво омода намуда, ба донишҷӯён вобаста ба таљрибаи давлатҳои худ дар самти муқовимат ба коррупсия маълумотҳои заруриро пешниҳод намуданд.
Ҳадаф аз баргузории дарсҳои болозикр ин дар амал татбиқ намудани сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба эълон шудани соли 2024 ҳамчун «Соли маърифати ҳуқуқӣ» ва дар ин замина баланд бардоштани мафкураи зиддикоррупсионии аҳли ҷомеа, махсусан ҷавонон, пешгирӣ намудани содиршавии ҳуқуқвайронкуниҳои коррупсионӣ, таъмини иҷрои қонунҳо ва барномаҳои давлатии зиддикоррупсионӣ арзёбӣ мегардад.
Чорабинӣ дар муҳити дӯстона, руҳияи ҳамдигарфаҳмӣ, эътимоднокӣ ва ҳамкории созанда баргузор гардида, шунавандагон аз он таассуроти хуб бардоштанд ва иттилооти бадастовардашуда минбаъд дар фаъолияти корӣ истифода хоҳад гашт.
Маркази матбуоти Агентӣ
Чоп намудан
E-mail
.
Санаи 17 сентябри соли 2024 дар бинои Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки кормандони Прокуратураи генералии Ҷумҳурии Беларус дар доираи нақша – чорабиниҳо ҷиҳати амалисозии «Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Ҷумҳурии Беларус» семинари муштарак баргузор карда шуд.
Нахуст чорабиниро муовини директори Агентӣ Талбакзода С.Т. ҳусни оғоз бахшида, меҳмононро ҷиҳати ташриф овардан ба мақомот хайрамақдам гуфта, вобаста ба ҳамкории ҷонибҳо дар самти муқовимат ба коррупсия ибрози андеша намуданд.
Дар идомаи чорабинӣ шахсони масъул аз Агентӣ ва Прокуратураи генералии Ҷумҳурии Тоҷикистон вобаста ба таҷрибаи ҷонибҳо дар самти муқовимат ба коррупсия баромадҳои пурмуҳтаво намуда, ба саволҳои пешниҳоднамудаи ҳозирин ҷавобҳои қонеъкунанда пешниҳод карда шуд.
Дар маҷмӯъ, семинари омӯзишӣ дар фазои дӯстӣ ва ҳамдигарфаҳмӣ сурат гирифта, дар назар аст, ки натиҷаи он барои густариши ҳамкории судманд байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Ҷумҳурии Беларус заминаи мусоид фароҳам меоварад.
Маркази матбуоти Агентӣ
Чоп намудан
E-mail
.
Бо гузаронидани чорабиниҳои оперативӣ - ҷустуҷӯӣ муайян карда шуд, ки Одилов Қ.М. дар вазифаи директори генералии ҶДММ “Арса”-и шаҳри Душанбе кору фаъолият намуда, дар давраи фаъолияти кориаш аз моҳи декабри соли 2023 то апрели соли 2024 бо роҳи фиреб ба боварии шаҳрвандони Ҷумҳурии Тоҷикистон даромада, дидаву дониста аз он, ки ҷамъияти ӯ бо ширкатҳои кортаъминкунандаи давлати Британия Кабир шартномаи ҳамкорӣ надорад, барои ба муҳоҷирати меҳнатӣ равон кардан, аз шаҳрвандон аз 22 000 то 25 000 сомонӣ талаб карда гирифтааст.
Бо ин роҳ, Одилов Қ.М. дар маҷмӯъ зиёда аз 550 000 сомониро бо роҳи фиреб ва сӯиистифодаи боварӣ ҷамъоварӣ намуда, ба манфиати шаҳрвандон ягон амали муайянро иҷро накарда, аз ҳисоби ин маблағ автомашинаи тамғаи ТОЙОТА “ЛЕНДКРУЗЕР” харидорӣ намуда, боқимонда маблағҳоро ба эҳтиёҷоти шахсиаш сарф ва тасарруф кардааст.
Оиди ҳолати мазкур нисбати Одилов Қ.М. бо моддаи 247 қисми 3 банди “а” КҶ Ҷумҳурии Тоҷикистон парвандаи ҷиноятӣ оғоз карда шуда, нисбати номбурда чораи пешгирӣ дар намуди ба ҳабс гирифтан татбиқ гардидааст.
Дар ин замина, аз шаҳрвандон даъват ба амал оварда мешавад, ки дар сурати дидани зарари моддӣ аз кирдорҳои қаллобонаи Одилов Қ.М. бо ариза ба раёсати АНДМ ва МК Ҷумҳурии Тоҷикистон дар шаҳри Душанбе муроҷиат намоянд.
Чоп намудан
E-mail
.
01 сентябри соли 2024 дар толори маҷлисгоҳи дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарият ва кормандони мақомот тамошои дастаҷамъонаи суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни мулоқот бо намояндагони соҳаи маориф доир гардид.
Мулоқоти мазкур ба ифтихори соли нави таҳсил ва Рӯзи дониш дар бинои навбунёди Муассисаи таҳсилоти умумии рақами 19-и шаҳри Душанбе, ки яке аз калонтарин муассисаҳои таълимӣ дар пойтахти мамлакат ба шумор рафта, дар он беҳтарин шароити илму донишомӯзӣ муҳайё карда шудааст, баргузор гардид.
Дар суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон махсусан қайд карда шуд, ки аз оғози даврони соҳибистиқлолӣ то имрӯз масъалаҳои мактабу маориф ва омӯзгору хонанда таҳти таваҷҷуҳу ғамхории аввалиндараҷаи Ҳукумати мамлакат қарор дошта, раванди ислоҳоти соҳаи маориф ва таҷдиду навсозӣ дар ҳама самтҳои он бомаром идома дорад.
Дар ин замина аз тарафи роҳбари давлат ба камбудиҳои дар ин самт ҷойдошта ишора гардида, ба вазорату идораҳо, корхонаву муассисаҳои дахлдор, мақомоти иҷроияи ҳокимияти давлатии вилоятҳо ва шаҳру ноҳияҳо ҷиҳати то ҷашни 35-солагии истиқлоли давлатӣ бартараф кардани масъалаву мушкилоти дар ин самт ҷойдошта дастуру супоришҳои мушаххас дода шуд.
Маркази матбуоти Агентӣ
Чоп намудан
E-mail
.
30 августи соли 2024 бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар ҳамбастагӣ бо Бонки миллии Тоҷикистон дар толори маҷлисгоҳи Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» конференсияи ҷумҳуриявӣ таҳти унвони «Маърифати ҳуқуқии кормандони ташкилотҳои қарзии молиявӣ ва ташкилотҳои суғуртавӣ - омили муҳими муқовимат ба коррупсия» доир гардид.
Дар чорабинӣ роҳбарият ва масъулини Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Бонки миллии Тоҷикистон, инчунин тамоми ташкилотҳои қарзии молиявӣ ва суғуртавӣ иштирок карда, оид ба мавзуъҳои мубрам баёни андеша намуданд.
Чорабинии мазкур дар партави «Соли маърифати ҳуқуқӣ» эълон гардидани соли 2024 ҷараён гирифта, баланд бардоштани маърифати ҳуқуқӣ - зиддикоррупсионии кормандони ташкилотҳои қарзии молиявӣ ва суғуртавӣ ҳадафи асосии баргузории он буда, интизор меравад, ки барои боз ҳам муттаҳид намудани иродаву амалҳо дар роҳи пешгирии содиршавии кирдорҳои коррупсионӣ дар ин соҳаҳои ба иқтисодиёти мамлакат басо муҳим, мусоидат хоҳад кард.
Конфронс ба таври мубоҳисавӣ ва дар рўҳияи ҳамдигарфаҳмӣ ҷараён гирифта, иштирокчиён аз он таассуроти нек бардоштанд.
Маркази матуботи Агентӣ
Чоп намудан
E-mail
