.
Дар ҳошияи «Соли маърифати ҳуқуқӣ» ва бахшида ба таҷлили «Рӯзи байналмилалии мубориза бар зидди коррупсия» бо ташаббуси раёсати Агентии назорати давлатии молиявӣ ва мубориза бо корупсияи Ҷумҳурии Тоҷикистон дар вилояти Суғд 6 декабри соли 2024 Конференсияи илмӣ-амалӣ таҳти унвони «Баланд бардоштани маърифати ҳуқуқӣ омили асосии муқовимат ба коррупсия» дар Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд бо иштироки кормандони раёсати Агентӣ дар вилояти Суғд, намояндагони Раёсати адлияи вилояти Суғд, факултаи 4-уми Академияи ВКД Ҷумҳурии Тоҷикистон, садорати Донишгоҳ, омӯзгорон ва донишҷӯён баргузор гардид.
Дар чорабинӣ иштироккунандагон дар мавзӯҳои гуногуни атрофи муқовимат ба коррупсия баромад карда, намояндаи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд бо маърӯза дар мавзӯи «Коррупсия ҳамчун падидаи номатлуби иҷтимоӣ ва роҳҳои мубориза бо он» суханронӣ намудан.
Қайд гардид, ки ангезаи асосии содир намудани ҷиноятҳо ва ҳуқуқвайронкуниҳои ба коррупсия алоқаманд ҳарисии оддии инсон мебошад. Маҳз эҳсоси ҳирс инсонро барои содир намудани кирдорҳои коррупсионӣ водор намуда, барои мадди назар кардани принсипҳои ахлоқӣ (поквиҷдонӣ, масъулиятшиносӣ, беғаразӣ, боинсофӣ, адолат ва ғ.) мусоидат менамояд.
Ҳадаф аз гузаронидани конференсияи мазкур сазовор ҷашн гирифтани иди “Рӯзи байналмилалии мубориза бар зидди коррупсия” ва баланд бардоштани маърифати ҳуқуқии шаҳрвандон мебошад.
Маркази матбуоти Агентӣ
Чоп намудан
.
4 декабри соли 2024 бо ташаббуси шуъбаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Кӯлоб дар толори маҷлисгоҳи Донишгоҳи давлатии тиббии Хатлон бахшида ба «Рӯзи байналмилалии мубориза бар зидди коррупсия» Конфронси илмӣ-амалӣ дар мавзӯи: “Ташаккули фарҳанги зиддикоррупсионӣ-омили муҳими муқовимат ба коррупсия” баргузор гардид.
Дар чорабинӣ муовини раиси ноҳияи Данғара, Бегмуродзода Даврон, ректори Донишгоҳи давлатии тиббии Хатлон, д.и.т., профессор Қурбон Убайдулло Қурбон, намояндагони мақомоти иҷроияи ҳокимияти давлатӣ, роҳбарон ва кормандони мақомоти ҳифзи ҳуқуқ, ташкилоту муассисаҳо, ходимони дин, донишҷӯён ва ҷомеаи шаҳрвандии ноҳия, дар маҷмуъ бо иштироки 1100 нафар баргузор карда шуд.
Чорабинии мазкур бо садо додани суруди миллӣ оғоз гардида, дар идомаи он иштирокчиён оид ба коррупсия ва хатари он ба ҷомеа, муҳиммияти муқовимати дастаҷамъона бо ин падида ва баланд бардоштани маърифати зиддикоррупсионии шаҳрвандон ибрози андеша намуданд.
Аз ҷумла, қайд карда шуд, ки коррупсия як падидаи номатлуб ба шумор рафта, ба рушду нумўи ҳамаҷонибаи ҷомеа, чӣ аз нигоҳи иқтисодӣ ва чӣ аз лиҳози ахлоқию фарҳангӣ таъсири манфӣ мерасонад.
Дар умум чорабинӣ дар сатҳи баланд баргузор гашта, умед аст, ки натиҷаҳои он таъсири худро барои баланд бардоштани маърифати ҳуқуқии ҷомеа мерасонад.
Чоп намудан
.
29 ноябри соли 2024 дар асоси супориши Дастгоҳи иҷроияи Президенти Ҷумҳурии Тоҷикистон аз 16 августи соли 2024, №30251(265) дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарияти Агентӣ ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон, кормандони ҷавони мақомот ва устодону донишҷӯёни муассисаҳои таҳсилоти олии кишвар Ҳамоиши ҷавонон дар мавзӯи «Нақши ҷавонон дар таҳкими Истиқлоли давлатӣ» баргузор гардид.
Нахуст муовини якуми директори Агентӣ - Расулӣ Барот ба кори чорабинӣ ҳусни оғоз бахшида, вобаста ба аҳмияти Истиқлоли давлатӣ дар ҳаёту фаъолияти ҳаррӯзаи ҷавонон ва нақши ҷавонон дар пойдорӣ ва ҳифзи соҳибистиқлолии кишвари маҳбубамон суханронӣ намуданд.
Зимнан, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон - Гулаҳмадзода Зулфиқор Аҳмад роҷеъ ба таърихи ба даст овардани Истиқлоли давлатӣ ва саҳми ҷавонон ҷиҳати расидан ба дастовардҳои назаррас дар ин давраи таърихӣ ибрози андеша намуданд.
Дар идома маърӯзачиён доир ба дастовардҳои ҷавонон дар замони соҳибистиқлолии мамлакат, пешгирии шомилшавии онҳо ба ҳизбу ҳаракатҳои террористиву экстремистӣ ва дигар мавзӯъҳои мубрам баромад карда, аз ҳозирин даъват ба амал оварданд, ки бо шукргузорӣ аз фазои сулҳу субот ва якпорчагии Ватан баҳри пешрафту шукуфоӣ, ободӣ ва ояндаи дурахшони Тоҷикистон саҳми арзандаи хешро гузошта, мояи ифтихори наслҳои оянда бошанд.
Дар фарҷом барои меҳнати софдилона ва ноил гардидан ба натиҷаҳои назарраси корӣ як қатор кормандони ҷавони мақомот бо «Сипоснома»-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шуданд.
Маркази матбуоти Агентӣ
Чоп намудан
.
20 ноябри соли 2024 дар шуъбаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Кӯлоб ва 22 ноябри соли 2024 дар раёсатҳои Агентӣ дар шаҳри Душанбе ва вилояти Хатлон бахшида ба таҷлили «Рӯзи Парчами давлатии Ҷумҳурии Тоҷикистон» чорабиниҳои тантанавӣ баргузор гардиданд.
Чорабиниҳои мазкур бо садо додани суруди миллӣ оғоз гардида, дар идомаи он роҳбарияти шуъбаву раёсатҳои зикргардида ҳайати шахсӣ ва ҳозиринро бо ин санаи фархундаи кишвар табрику муборакбод намуданд.
Парчами миллӣ мояи ифтихори ҳар як шаҳрванди Тоҷикистони соҳибистиқлол, ифодагари иттиҳоду сарҷамъӣ, нангу номус, ватандӯстиву ватанпарастӣ ва ҳувияти миллии мардуми фарҳангии мо буда, мақсаду мароми созандаи тоҷиконро дар ҷилои рангҳои худ инъикос намудааст.
Тавре Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид кардаанд: “Парчами давлатӣ барои мо - тоҷикон нишонаи бақои давлат, ваҳдату ягонагӣ, ҳувияти миллӣ ва беҳтарин василаи тарбияи наврасону ҷавонон дар руҳияи ифтихор аз давлатдории миллӣ ва ҳифзи арзишҳои таъриху фарҳанги халқамон мебошад”.
Арҷгузорӣ ба парчам маънои эҳтиром ба арзишҳои деринаи таърихӣ, фарҳангиву маънавӣ ва муқаддасоти миллӣ арзёбӣ гардида, ба хотири гиромидошти Парчами давлатӣ дар воҳидҳои маҳалливу минтақавии Агентӣ чорабиниҳо дар сатҳи баланд гузаронида шуданд.
Чоп намудан
.
22 ноябри соли 2024 дар толори маҷлисгоҳи дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бахшида ба таҷлили «Рӯзи Парчами давлатии Ҷумҳурии Тоҷикистон» чорабинии тантанавӣ доир гардид.
Дар чорабинӣ директори Агентӣ, генерал-лейтенанти адлия Султонзода С.С. бо суханони табрикотӣ баромад намуда, иброз доштанд, ки арҷгузорӣ ба Парчам ва ба ҷо овардани эҳтироми он дар қатори дигар рамзҳои муқаддаси миллӣ қарзи виҷдонии ҳар як шаҳрванди Тоҷикистон ба шумор меравад. Зеро Парчами давлатӣ ба сифати яке аз рамзҳои асосии давлатдорӣ дар баробари таҷассумгари асосҳои таърихиву фарҳангии мероси миллӣ будан, баёнгари соҳибистиқлолӣ, таҳкими пояҳои давлатдории миллӣ ва иттиҳоду сарҷамъии мардуми куҳанбунёди тоҷик ба ҳисоб меравад.
Ҳоло боиси хушнудӣ ва сарфарозист, ки дар саросари Тоҷикистони азизамон «Рӯзи Парчами давлатии Ҷумҳурии Тоҷикистон» ҳамчун ҷашнвораи миллӣ ва руйдоди муҳимми таърихӣ бо фараҳмандию шодмонӣ ва ғурури ватандӯстонаи парчамдорӣ истиқбол гирифта мешавад.
Дар идомаи чорабинӣ кормандони Агентӣ доир ба мақому манзалати Парчами давлатии Ҷумҳурии Тоҷикистон бо баромадҳои пурмуҳтаво ибрози андеша намуданд.
Дар охир директори Агентӣ Султонзода С.С. кормандони мақомотро ба муносибати «Рӯзи Парчами давлатии Ҷумҳурии Тоҷикистон» табрик гуфта, саломатӣ, иқболу саодат, файзу баракат ва ба Тоҷикистони азиз зери партави Парчами Ватан пешравию ободиҳои аз ин ҳам бештарро таманно намуданд.
Маркази матбуоти Агентӣ
Чоп намудан
.
20 ноябри соли 2024 дар Муассисаи давлатии «Маркази кӯдакон ва наврасони шаҳри Душанбе» маросими ҷоизасупории ғолибони озмуни шаҳрии «Омилҳои коррупсиониро маҳкум месозем» баргузор гардид.
Дар чорабинӣ узви Маҷлиси миллии Маҷлиси Олии Ҷумҳурии Тоҷикистон, муовини Раиси шаҳри Душанбе Одилзода Дилбар Раҳим, Раиси Комиссияи доимии Маҷлиси вакилони халқи шаҳри Душанбе оид ба таъмини ҳуқуқу озодиҳои инсон ва шаҳрванд, мубориза бар зидди коррупсия, ректори Донишгоҳи давлатии Кӯлоб ба номи Абуабдуллоҳ Рӯдакӣ Раҳмон Дилшод Сафарбек, роҳбарияти раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе, роҳбарону директорони муассисаҳои таълимии шаҳри Душанбе ва намояндагони дигар қишри ҷомеаи шаҳрвандӣ ширкат варзиданд.
Маврид ба зикр аст, ки озмуни шаҳрии «Омилҳои коррупсиониро маҳкум месозем» бо мақсади иҷрои дастуру супоришҳои Раиси шаҳри Душанбе муҳтарам Рустами Эмомалӣ аз 17 сентябри соли 2024 роҳандозӣ гардида, аз 15 октябр то 15 ноябри соли ҷорӣ идома ёфта, дар кори он зиёда аз 3000 хонандагони фаъоли муассисаҳои таълимии шаҳри Душанбе ширкат варзида, аз ин шумора 95 нафар ба даври шаҳрӣ роҳхат ёфт ва 18 нафари онҳо ғолиби даври ниҳоии озмун дониста шуданд.
Озмун бори нахуст аст, ки дар шаҳри Душанбе ташкил карда шуда, дар он хонандагони муассисаҳои таълимии шаҳри Душанбе бо завқу ҳаваси баланд ширкат намуданд. Озмун аз ду давр иборат буда, даври аввали он моҳи октябр дар ноҳияҳои шаҳри Душанбе ва даври ниҳоӣ дар Муассисаи давлатии «Маркази кӯдакон ва наврасони шаҳри Душанбе» ҷамъбаст шуд.
Дар даромадгоҳи бино расмҳои тасвирнамуда, иншо ва мақолаҳои иштирокчиёни озмун ба намоиш гузошта шуда, меҳмонон аз ҳунару истеъдоди онҳо бохабар гаштанд.
Дар идома меҳмонон ба иштирокчиёни озмун диплому туҳфаҳои хотирмонро дар вазъияти тантанавӣ тақдим намуданд.
Пас аз супоридани ҷоизаҳо ба ғолибони озмун, бо иштироки ҳунармандони мумтози ҷумҳурӣ намоиши фарҳангӣ пешкаши ҳозирин гардид.
Маркази матбуотӣ Агентӣ
Чоп намудан
.
14 ноябри соли 2024 дар толори маҷлисгоҳи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд бо иштироки роҳбарият ва ҳайати шахсии раёсат бахшида ба таҷлили «Рӯзи Президенти Ҷумҳурии Тоҷикистон» чорабинии тантанавӣ доир гардид.
Чорабиниро муовини якуми сардори раёсат ҳусни оғоз бахшида, қайд гардид, ки дар таърихи аз 16 ноябр то 2 декабри соли 1992 дар Қасри Арбоби шаҳри Хуҷанд Иҷлосияи XVI Шӯрои Олии Ҷумҳурии Тоҷикистон баргузор гардида, аз натиҷаи баргузории он дар ҷумҳурӣ сохти конститутсионӣ барқарор карда шуд.
Дар иҷлосия ҳукумате таъсис ёфт, ки таҳти сарварии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар як муддати кӯтоҳ сохтори фалаҷгардидаи ҳокимияти давлатӣ, хусусан мақомоти ҳифзи ҳуқуқ барқарор намуда, артиши миллӣ ва неруҳои посбонии сарҳадиро таъсис доданд.
Зимнан, дар идомаи чорабинӣ кормандони раёсат бо маърӯзаҳои баландмазмун баромад намуда, фикру ақидаи хеш вобаста ба ба нақши Пешвои муаззами миллат муҳтарам Эмомалӣ Раҳмон дар ҳифз ва таҳкими Истиқлолияти давлатӣ ироа карда шуд.
Дар фарҷоми маҷлис роҳбарияти раёсат ҳозиринро бо ин ҷашни фархунда табрику муборакбод намуда, барояшон бурдбориву хонаободӣ ва барои Тоҷикистони азиз пешравиҳои беназирро таманно намуданд.
Чоп намудан
.
15 ноябри соли 2024 дар толори маҷлисгоҳи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Хатлон бо иштироки роҳбарият ва ҳайати шахсии раёсат бахшида ба таҷлили «Рӯзи Президенти Ҷумҳурии Тоҷикистон» чорабинии тантанавӣ доир гардид.
Чорабиниро роҳбарияти раёсат ҳусни оғоз бахшида, қайд гардид, ки қабул карда шудани низоми идоракунии давлатдории Тоҷикистон дар шакли ҷумҳурии «президентӣ» маҳсули сабақҳои таърихӣ ва натиҷагириҳои мардуми сарбаланд тоҷик аз самараи фаъолияти давлатдории гузашта ва имрӯза ба ҳисоб меравад.
Иҷлосияи XVI Шӯрои Олии Ҷумҳурии Тоҷикистон яке аз рӯйдодҳои муҳими таърихии давлатдории Тоҷикистони навбунёд ба ҳисоб рафта, баъд аз баргузории он кишвари азизамон рӯ ба инкишоф ва ташаккули давлати демокративу ҳуқуқбунёд ниҳодааст.
Дар маҷмӯъ, чорабинӣ дар руҳияи баланди ватандӯстӣ ва шукргузорӣ аз сулҳу ободии кишвар сурат гирифта, дар фарҷоми он роҳбарияти раёсат ҳозиринро бо ин ҷашни фархунда табрику муборакбод намуданд.
Маркази матбуоти Агентӣ.
Чоп намудан
