Гузаронидани семинари омӯзиши дар мавзӯи «Пешгирии коррупсия ва роҳҳои амалигардонии он дар соҳаи маориф»
5 марти соли 2025 бо ташаббуси раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Рашт дар толори маҷлисгоҳи Маркази рушди малакаҳои касбии шаҳри Роғун бо иштироки роҳбарияти шуъбаи маориф ва масъулини муассисаҳои таҳсилоти миёнаи шаҳри Роғун семинари омӯзиши дар мавзӯи «Пешгирии коррупсия ва роҳҳои амалигардонии он дар соҳаи маориф» баргузор гардид.Зимни чорабини дар баробари шарҳу тавзеҳи сиёсати зиддикоррупсионии кишвар дар соҳаи маориф, инчунин ҷиҳати ҳифзи арзишҳои миллию давлатӣ, амсоли сулҳу оромӣ, суботи сиёсӣ, ваҳдати миллӣ, ҳифзи ҳимояи истиқлолу озодии давлат ва Ватани маҳбуб, мубориза бар зидди таҳдиду хатарҳои муосир, аз ҷумла терроризму экстремизм сӯханронӣ карда шуд.
Таъкид гардид, ки соҳаи илму маориф дар саргаҳи сиёсати хирадмандона ва илмпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, вазъи соҳа ва кормандони муассисаҳои таълимӣ мунтазам беҳтар гардида истодааст.
Маркази матбуоти Агентӣ