Баргузории вохӯрӣ дар Сарраёсати Вазорати молияи Ҷумҳурии Тоҷикистон дар вилояти Хатлон
Санаи 26 феврали соли ҷорӣ бо ташаббуси раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Бохтар дар толори маҷлисгоҳи Сарраёсати Вазорати молияи Ҷумҳурии Тоҷикистон дар вилояти Хатлон бо мақсади шарҳи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» ва дигар санадҳои меъёрию ҳуқуқии зиддикоррупсионӣ вохӯрӣ баргузор гардид, ки дар рафти он кормандони дастгоҳи марказии Сарраёсат ва зерсохторҳои он дар шаҳру ноҳияҳои минтақаи Бохтар ширкат варзиданд.Дар рафти чорабинӣ масъулини мақомот оид ба масоили татбиқи сиёсати зиддикоррупсионӣ дар кишвар, хатари шомилшавии ҷавонон ба ҳизбу ҳаракатҳои экстремистию террористӣ, муҳтавои қонунҳои Ҷумҳурии Тоҷикистон «Дар бораи масъулият барои таълиму тарбияи кӯдак» ва «Дар бораи танзими ҷашну маросим дар Ҷумҳурии Тоҷикистон» ва дигар масъалаҳои мубрами рӯз ибрози андешида намуда, дар интиҳо байни иштирокчиён музокираи натиҷабахш атрофи масъалаҳои баррасишаванда сурат гирифт.
Маркази матбуоти Агентӣ